یار قاصیدی

سَـن یاریمیـن قاصـدیـسـن ایــلن سـنه چای دِمـیـشـم
خیـالـینـی گـونـدریـب دی بسـکه من آخ وای دمیشم

آخ ! گئـجه لر یاتمـامیشام من سنه لای لای دمـیـشم
سـن یاتالی ، من گوزومـه اولـدوزلاری سای دمیشم

هر کس سنه اولدوز دییه ازوم سـنـه ، آی دمـیـشــم
سندن سـونرا حیـاتَ مـــن شیـرین دسه زای دمیشم

هر گوزَلدن بیـر گل آلـیب سـن گوزله ، پای دمیشم
سنین گون تک باتماغیوی آی بـاتـانـا ، تـای دمیـشـم

ایـندی یایا ،قیـش دِیـیـرم سـابـق قـشـا یـای دمـیشـم
گاه طویووی یـاده سـالیب من دلی ، نای نای دمیشم

سونرا گـیـنه یاسَ بـاتـیـب آغـلاری های های دمیشم
اتـَک دولـی دریـا کـیـمـی گوز یاشـیما ، چای دمیشم

عمره سورن من قره گون آخ دمـیـشـم وای دمـیـشـم

عمره سورن من قره گون آخ دمـیـشـم وای دمـیـشـم

فایل صوتی شعر با صدای استاد شهریار